kajitōk ñan kōlablok lelok jibañ

kwōkōnaan ke kōmmane juon kajitōk ñan kōlablok lelok jibañ?

Peba in Kajitōk ñan Kōlablok Lelok Kajitōk an Mary's Place emōj kar kōmmane ñan jibañ baamle ko rej ioone an ejellok imōn aer jokwe ilo Bukon eo an King maron bōk jerbal in jibañ ko ikijen jikin kiki im imōn jokwe. Melele ko kwōnaj letōk renaj jibañ kim melele aikuj eo bwe kim en lelok kumi ko rej kōlablok aer lelok jibañ, einwōt aikuj.

Ñan idin nañinmij ak nañinmij ikijen kōmelij, jouj im kall ae 911. Ñan makūtkūt ko rej kōmman jorrāān ko relab ak rejab melim iomwin kakien, kebaak opij eo an imōn bulijmaan ilo jukjukinbed eo am. Ejab ijin jikin ripoot kin ro ejab melim aer itōk kōmman aer jikin kaam. Ñe kwōkōnaan ripoot kin an wōr rej kōmman jikin aer kaam im ejab melim, jouj im kebaak City im Bukon eo am ñan melele ko relablok.

ñaat eo ij aikuj lelok juon kajitōk ñan kōlablok lelok jibañ?

Kwar ke loe juon baamle eo ejellok jikin aer kiki im einwōt rej aikuj jibañ? Kwar ke loe juon baamle einwōt rej kiki iloan wa ak ewōr aer abañ in bōk aikuj ko ekkā ñan aer mour? Innem kwōmaron naj jibañ er ilo am kanne peba in kajitōk ñan kōlablok lelok jibañ im ba tōk ñan kim kin jejjetin abnōnō ko ibbam kin ainemmon im ejmour eo an baamle eo. Kinke ewōr joñan an Mary's Place maron kōlablok an lelok jibañ, kajitōk ko ñan ro elablok an kauwōtata nañinmij ko aer im/ak aikuj ko jet ikijen aer bed ilo uwōta remaron jibañ armij rein mokta.

ñaat eo ij aikuj jab lelok juon kajitōk ñan kōlablok lelok jibañ?

Kumi in Kōlablok Lelok Jibañ an Mary's Place ej maron wōt jerbal ibben baamle ko ejellok jikin aer kiki im imōn jokwe. Buromoj, ak kumi eo ejab maron jibañ kajojo armij ro rej ito tak im kiki imōn armij, ro rej kiki iomwin jidik ien ibben ro mōttaer im nukkier, ro ewōr uwōta ñan an ejellok imōn aer jokwe, ak ro emōj aer jino kiki ilo juon jikin kiki an ro ejellok imōn aer jokwe. Ñe kwōjelā kin juon baamle eo ejab maron tōbrak ñan jibañ ko relablok, rōjañ aer kall ae lok 2-1-1. Ñe ewōr am abnōnō kin makūtkūt eo ejab melim iomwin kakien, kebaak imōn bulijmaan ilo jukjukinbed eo am. Ñan idin nañinmij ak nañinmij ikijen kōmelij, jouj im kall ae 911.

ta eo rijerbal ro rej kōlablok aer lelok jibañ kōmmane?

Rijerbal ro rej kōlablok aer lelok jibañ eloñ aer kapeel ko roktak ekoba kajinet jerbal in jibañ ko ikijen imōn jokwe, ien kajitōkin ko rekairujruj, im melele in jibañ ikijen ro rar ioon jorrāān ak nañinmij kauwōtata, im bar jet. Kumi ko rej lelok jibañ ko relablok rej jinoe ilo aer jelā kajeen armij ro im lale aikuj ko an baamle ko rej jokwe ilo jikin ko rejab ekkar ñan armij jokwe ie. Jerbal kein remaron lukkun bidodo einwōt jibañ armij eo ejellok imōn an jokwe bōk juon an kaat in ID ak juon jibañ eo elab im bin einwōt jibañ an juon armij ko jen ribelele eo ibben ej kakkure. Kōtōbar eo elab ilo lelok jerbal in jibañ ko relablok an Mary's Place ej ñan jibañ baamle ro ejellok imōn aer jokwe emakūt jen iloan ial ko ñan juon em renaj kwōn aer bed ie.

ñaat eo ej jerbal kumi eo an mary's place im rej kōlablok aer lelok jibañ?

Ekkā aer jerbal in raan ñan kōlabtata joñan an ejellok uwōta in jorrāān kinke mennin ej kōmman bwe kumi ko rej kōlablok aer lelok jibañ lelok ñan baamle ko ejellok imōn aer jokwe mennin jibañ im jerbal in jibañ ko jet elab aer aurok einwōt jibañ ko ikijen nañinmij im nañinmij in kōmelij, jerbal, im jikuul. Awa in raan ko rej kōmman an rijerbal ro rej kōlablok aer lelok jibañ maron jibañ baamle ko kajinet aer elo imōn aer jokwe.

imaron ke loe juon melele kāāl kin ta eo ear walok?

Kim naj jilkinwaj juon email ej ba waj ke emōj amim loe kajitōk eo am. Kim aikuj iomwin kakien kejbarok wāween amim kōmadmōd im kōjerbal melele ko an baamle ko kim ej jibañ, innem kin mennin, kim ejab maron kwalok melele ko rekāāl. Bōtab, ñe kwōnaj errā ñan amim kebaak kwe, kim maron kebaak kwe ñan lewaj kajitōk ko relablok im renaj jibañ kim bukōt im tōbare baamle eo kwar lemaantōk ettaer. Ñe kwōmōnōnō in lelok jibañ ko relablok ñan baamle eo kwōj lemaanlok ettaer, jouj im kalikar am kōnaan ilo peba eo.

ewi wāween aō maron jibañ armij ro iturū im ejellok imōn aer jokwe?

Kōjemlok an ejellok imōn armij ej aikuj an aoleb armij ro ilo jukjukinbed eo bōk kwōnaer. Lelok ien im jiban ñan doulul ko rej jibañ armij ro ejellok imōn aer jokwe ej juon wāween eo elabtata an emmon am lelok jibañ. Jouj im lale jikin eo ilo website eo amim "Get Involved" (Bōk Kwōnaam) ñe ejab kebaak doulul ko jet ilo jukjukinbed eo rej jibañ ro ejellok imōn jokwe ñan melele ko relablok kin am lelok ien im/ak lelok jibañ ikijen kabōjrak an ejellok an armij imōn jokwe.

Lelok juon kajitōk ñan kōlablok lelok jibañ